د فاریاب ولایت له پېښو سره د مبارزې آمادګۍ ریاست ۶۳ زیانمنو کورنیو ته د شلټر(کور) جوړولو او ترمیم لپاره نغدې مرستې ووېشلې
له پېښو سره د مبارزې آمادګۍ ملي ادارې او د DAART موسسې تر منځ د لاسلیک شوي هوکړه لیک له مخې، د فاریاب ولایت له پېښو سره د مبارزې آمادګۍ ریاست د یادې موسسې په ملاتړ، ۶۳ کورنیو ته د شلټر(کور) جوړولو او ترمیم لپاره د دویم قسط نغدې مرستې ووېشلې.
په دې لړۍ کې ۲۴ کورنیو هرې یوې ته د درې خونو کور جوړولو لپاره ۷۰,۳۸۰ افغانۍ، ۲۴ کورنیو هرې یوې ته د دوو خونو کور جوړولو لپاره ۵۳,۲۹۰ افغانۍ، ۴ کورنیو هرې یوې ته د اساسي ترمیم لپاره ۱۴,۶۴۰ افغانۍ او ۱۱ کورنیو هرې یوې ته د جزئي ترمیم لپاره ۸,۷۸۰ افغانۍ ووېشل شوې.
دا مرستې له پېښو سره د مبارزې آمادګۍ ریاست، د اقتصاد ریاست، د ولسوالۍ صلاحیت لرونکي استازي او د استخباراتو استازي په شتون کې په فردي ډول هرې مستحقې کورنۍ ته وسپارل شوې.
نېټه: ۱۴۴۷/۰۴/۲۷ هـ ق
له پېښو سره د مبارزې آمادګۍ ملي اداره
