د میدان وردګ ولایت له پېښو سره د مبارزې آمادګۍ ریاست ٢٨ زیانمنو کورنیو ته نغدي مرستې ووېشل
د میدان وردګ ولایت له پېښو سره د مبارزې آمادګۍ ریاست د DRC مؤسسې په مالي ملاتړ، د یاد ولایت په اول بهسود ولسوالۍ کې ٢٨ زیانمنو کورنیو ته د کورونو د ترمیم لپاره نغدي مرستې ووېشلې.
د مرستو د دویم پړاو په دې لړۍ کې، هرې کورنۍ ته له ١١٥٠٠ نه تر ١٨٥٠٠ افغانۍ ځانګړې شوې وې، چې په ټوله کې دوی ته ٣٣٣،٧٥٠ ( ٣٣٣ زره او ٧٥٠ ) افغانۍ ووېشل شوې.
د یادونې وړ ده، چې د دې ریاست رییس مولوي فیض الله جلالي د مرستو د وېش پر مهال ووېل, چې د طبیعي او غیر طبیعي پېښو له امله نورو زیانمنو کورنیو ته به هم بشري مرستې ووېشل شي.
نېټه: ١٤٤٦/٧/۷
له پېښو سره د مبارزې آمادګۍ ملي اداره
