د ننګرهار ولایت له پيښو سره د مبارزې آمادګۍ ریاست ۱۲۷ زلزله ځپلو کورنیو ته د غیر خوراکي توکو مرستې وویشلې

له پېښو سره د مبارزې آمادګۍ ملي ادارې او د DACAAR موسسې ترمنځ د لاسلیک شوي هوکړه لیک له مخې، د ننګرهار ولایت له پېښو سره د مبارزې آمادګۍ ریاست د یادې موسسې په مالي ملاتړ، د دې ولایت د دره نور ولسوالۍ په کشوند قلعه، پا چا قلعه او لام کنډه کلیو کې د وروستۍ زلزلې له امله ۱۲۷ زیانمنو شویو کورنیو ته له سروې وروسته د غیر خوراکي توکو مرستې ووېشلې. 
په دې لړۍ کې هرې کورنۍ ته د مسؤلینو په شتون کې، یوه د استهلاکي موادو بسته چې پکې ۳۳ کلچې د ځان مینځلو صابون، ۱۴ کلچې د جامو وینځلو صابون، ۸ بستې د ښځو د اړتیا وړ توکي، ۶ عدده غټ د غاښونو برسونه، ۸ عدده واړه د غاښونو برسونه، ۴ عدده د غاښونو کریم، ۱ عدد لاسي کڅوړه او همد ۲ بوتله شامپو او همدارنګه یو د حفظ الصحی ستندرد بسته، چې ورپکې ۱۷ کلچې د ځان مینځلو صابون، ۷ کلچې د جامو مینځلو صابون، ۱عدد صابون دانۍ، ۱ عدد پلاستیکی بشکې، ۱ عدد ۱۰ لیتره  پلاستیکی سطل،۱ عدد لوټکه، ۲ تختې کتان تیکه ۲ متر مربع، ۳ عدده د غاښونو غټ برسونه،  ۴ عدده د غاښونو واړه برسونه واړ، ۲ عدده د غاښونو کریم، ۱ بسته جارو، ۵ تختې روی پاکونه، ۱ عدد پلاستیکی تشت، ۱ بسته د روغتیا ساتنی د زده کړې توکي، ۱ عدد لاسی کڅوړه، ۱ عدد لاسی څراغ، ۶ عدده زیرپوش د ښځو لپاره، ۱ عدد ناخن ګیر، ۴ بستې د ښځو د اړتیا وړ توکي، ۲ بوتله شامپو او یو عدد د ماشومانو پت شتون درلود ووېشل شو.  
د یادونې وړ ده، چې د مرستو ترلاسه کوونکو کورنیو د مرستو د ترلاسه کولو په پار له یادې موسسې او د دې ولایت له پېښو سره د مبارزې آمادګۍ ریاست له مسؤلینو څخه مننه وکړه او خوښي یې څرګنده کړه.

نېټه: ۱۴۴۷/۴/۱۶ هـ ق
له پېښو سرد مبارزې آمادګۍ ملي اداره