د ننګرهار ولایت له پیښو سره د مبارزې آمادګۍ ریاست ۴۰۰ زلزله ځپلو کورنیو ته نغدې او غیر خوراکي مرستې وویشلې
له پېښو سره د مبارزې آمادګۍ ملي ادارې او د Serve Afghanistan موسسې ترمنځ د لاسلیک شوي هوکړه لیک له مخې، د ننګرهار ولایت له پیښو سره د مبارزې آمادګۍ ریاست د یادې موسسې په ملاتړ، د دې ولایت په دره نور ولسوالۍ کې د تېرې زلزلې له امله ۴۰۰ زیانمنو کورنیو ته د ژمنیو توکو برابرولو لپاره له سروې وروسته نغدې او غیرخوراکي مرستې ووېشلې.
په دې لړۍ کې هرې کورنۍ ته د مسؤلینو په شتون کې ۴,۵۰۰ افغانۍ او یو تخته ترپال ووېشل شول، چې نغدې مرستې ټولټال دوه میلیونه او یو سل او شپېته زره (۲,۱۶۰,۰۰۰) افغانۍ کېږي.
مرسته اخیستونکو کورنیو له پېښو سره د مبارزې آمادګۍ ریاست او Serve Afghanitan موسسې څخه مننه وکړه او د دې ډول مرستو د دوام غوښتنه یې وکړه.
نېټه:۱۴۴۷/۶/۲۷ هـ ق
له پېښو سره د مبارزې آمادګۍ ملي اداره
