د ننګرهار ولایت له پېښو سره د مبارزې آمادګۍ ریاست ۲۳۸ سېلاب ځپلو کورنیو ته خوراکي مرستې ووېشلې
له پېښو د مبارزې آمادګۍ ادارې او د ARCIO موسسې ترمنځ د لاسلیک شوي هوکړه لیک له مخې، چې پروژه یې د خوړو نړیوال پروګرام (WFP) له لوري تمویل کېږي، د ننګرهار ولایت له پېښو سره د مبارزې آمادګۍ ریاست د یادې موسسې په همکارۍ، د دې ولایت په شینواري، اچین او سپین غر ولسوالیو کې د وروستیو سېلابونو له امله ۲۳۸ زیانمنو کورنیو ته خوراکي مرستې ووېشلې.
په دې لړۍ کې، له سروې وروسته د مسوولینو په شتون کې، هرې کورنۍ ته ۱۰۰ کیلو اوړه، ۹.۱کیلو غوړی، ۱۲.۵ کیلو دال او ۱ کیلو مالګه ووېشل شوه.
نېټه:۱۴۴۷/۱۲/۰۸ هـ ق
له پېښو سره د مبارزې آمادګۍ اداره
