د پنجشیر ولایت له پېښوسره د مبارزې آمادګۍ ریاست ۱۵۰ مستحقو کورنیو خوراکي مرستې ووېشلې
له پېښو سره د مبارزې آمادګۍ ملي ادارې د لوی رئیس، محترم الحاج ملا نورالدین ترابي د لارښوونې پر بنسټ او د پنجشیر ولایت له پېښو سره د مبارزې ولایتي کمېسیون د پرېکړې له مخې، په شتل ولسوالۍ کې ۱۵۰ مستحقو کورنیو ته خوراکي مرستې ووېشلې.
په دې لړۍ کې د ولایتي کمېسیون د مسؤلینو په شتون کې، هرې کورنۍ ته یوه بورۍ اوړه، یوه بورۍ وریجې، پنځه کیلو بوره او نیم کیلو چای ووېشل شو. همدارنګه، په پام کې ده چې په راتلونکو ورځو کې به ۸۵۰ نورو کورنیو ته هم په دې ولایت کې همدا مرستې ووېشل شي.
نېټه: ۱۴۴۷/۶/۰۶ هـ ق
له پېښو سره د مبارزې آمادګۍ ملي اداره
