د پکتیا ولایت له پېښو سره د مبارزې آمادګۍ ریاست ۱۴ زیانمنو کورنیو ته خوراکي او غیرخوراکي مرستې ووېشلې
د پکتیا ولایت له پېښو سره د مبارزې آمادګۍ ریاست د همکارو سازمانونو په همکارۍ, د وروستیو واورو او بارانونو له امله ۱۴ زیانمنو کورنیو ته خوراکي او غیرخوراکي مرستې ووېشلې.
په دې لړۍ کې هرې کورنۍ ته د خوړو نړیوال پروګرام لخوا, ۱۸.۲ کیلو غوړي, ۲۵ کیلو دال, 2 کیلو مالګه د ماشومانو او مېندو لپاره تغذیوي مواد, او د کډوالۍ نړیوال سازمان لخوا هرې کورنۍ ته د مرستو درې ډوله کېټونه, څراغ او د یونیسف سازمان لخوا یوه روغتیایي بسته ووېشل شوه.
د یادونې وړ ده, چې د مرستو ترلاسه کوونکو کورنیو له دی ګام څخه خوښي څرګنده او د یاد ریاست له همکارۍ یې مننه وکړه.
نیټه: ۱۴۴۶/۰۹/۱۹
له پېښو سره د مبارزې آمادګۍ ملي اداره
