د پکتیکا ولایت په شکین ولسوالۍ کې ۱۸ بېلا بېل ډول ناچاوده توکي کشف او خنثی کړل شول
د پکتیکا ولایت له پیښو سره د مبارزې آمادګۍ ریاست د همغږۍ له مخې، د هیلو ټرسټ ماین پاکۍ نړیوالې موسسې تخنیکي ټیم، د دې ولایت د شکین ولسوالۍ په شمس الدین چیني کلي کې، ۱۸ بېلابېل ډول ناچاوده توکي وپیژندل او په خوندي ډول یې خنثی کړل.
دا ناچاوده توکي، چې د تیرو جګړو څخه پاتې وو او د کارونې وړ نه وو، خو د سیمې د اوسیدونکو لپاره یو جدي ګواښ ګڼل کېده. د هیلو ټرسټ تخنیکي ټیم دا مواد په خوندي ډول له منځه یووړل، چې په پایله کې یې د سیمې اوسېدونکي له احتمالي خطر څخه خوندي شول.
نېټه: ۱۴۴۷/۰۳/۱۷ هـ ق
له پېښو سره د مبارزې آمادګۍ ملي اداره
