د کابل ولایت له پېښو سره د مبارزې آمادګۍ ریاست ۴۷۵ کورنیو ته خوراکي او غير خوراکي مرستې ووېشلې
د کابل ولایت له پېښو سره د مبارزې آمادګۍ ریاست د دې ولایت په سروبي ولسوالۍ کې، د وروستیو سېلابونو له امله ٤٧٥ زیانمنو شویو کورنیو ته له سروې وروسته د خوراکي او غیر خوراکی توکو مرستې ووېشلې.
په دې لړۍ کې هرې کورنۍ ته د مسؤلینو په شتون کې، ١ بورۍ ۵۰ کیلویي غنم، ١ بورۍ ٢٥ کیلویي وریجې، یوه جوړه څپلۍ او ٣٠ پاکټه د اوبو پاکولو ټابلیټ ووېشل شوې.
د یادونې وړ ده، چې د مرستو ترلاسه کوونکو کورنیو د مرستو د تر لاسه کولو په پار خوښي څرکنده کړه او د کابل ولایت له پېښو سره د مبارزې آمادګۍ ریاست له مسؤلینو څخه یې زیانمنو شویو کورنیو ته د ژر رسېدنې په موخه مننه وکړه.
نېټه: ۱۴۴۷/۷/۲۵ هـ ق
له پېښو سره د مبارزې آمادګۍ ملي اداره
