د کندهار ولایت په سپین بولدک ولسوالۍ کې د ګبيون استنادي دیوال د جوړولو کار بشپر او ګټې اخیستنې ته وسپارل شو
د عالیقدر امیرالمؤمنین حفظ الله د حکم پر بنسټ او له پېښو سره د مبارزې آمادګۍ ملي ادارې د لوی رئیس، محترم الحاج ملا نورالدین ترابي په لارښوونه، د کندهار ولایت له پېښو سره د مبارزې آمادګۍ ریاست، د دې ولایت د سپین بولدک ولسوالۍ په شيرو اوبو کاريز کلي کې د ۵۳ متره په اوږدوالي او ټولټال د يو ميليون او شپږ شپيته زره او درې سوه پنځه اتيا (۱,۰۶۶,۳۸۵) افغانیو په ارزښت د ګبيون استنادي دیوال د جوړولو کار بشپړ کړ او ګټې اخیستنې ته یې وسپاره.
د دې پروژې کارونه د ارزګان غزني ساختماني او لوجستیکی شرکت له لوري ترسره شول او د پروژې په بشپړېدو سره د دې سيمې لپاره د سېلاب له خطره څخه خونديتوب رامنځته شوه.
د سیمې اوسېدونکو د پروژې د ګټې اخیستنې په پار خوښي وښوده او د هغوی د ځان او مال د خوندیتوب په برخه کې یې دا یو مهم ګام وباله او له پېښو سره د مبارزې آمادګۍ ریاست څخه یې مننه او قدرداني وکړه.
نېټه:۱۴۴۷/۶/۲۰ هـ ق
له پېښو سره د مبارزې آمادګۍ ملي اداره
