له پېښو سره د مبارزې آمادګۍ ملي ادارې سرپرست په عمري کمپ کې د راستنېدونکو ګډوالو لپاره د لازم سهولتونو د چمتو کولو پر شفافیت او چټکتیا ټینګار وکړ
نن د جمعې ورځ مازدیګر، الحاج ملا نورالدین ترابي له پېښو سره د مبارزې آمادګۍ ملي ادارې سرپرست په تورخم کې د کمپ د ګمارل شویو کمېټو له فعالیتونو څخه لیدنه او څارنه وکړه.
د دې لیدنې په ترڅ کې ترابي صاحب له بېلابېلو برخو مسؤلینو او کارکوونکو سره جلا جلا لیدنې او خبرې وکړې او د دوی د کار پرمختګ ستونزې، ننګونې او وړاندیزونه یې واورېدل.
نوموړي یو ځل بیا د کمپ د جوړولو په بهیر کې پر شفافیت او چټکتیا ټینګار وکړ او څرګنده یې کړه چې باید ټولو راستنېدونکو ګډوالو ته لازمي اسانتیاوي برابري کړو
د یادونې وړ ده چې په دې کمپ کې د ګډوالو لپاره د معیاري روغتیايي کلینیک، منظمو تشنابونو، حمامونو، د پاکو اوبو سیسټم،منظم برق او لوړ کیفیت خیمو جوړولو چاري روانې دي.
نېټه: ۱۴۴۶/۱۰/۲۱ هــ ق
له پېښو سره د مبارزې آمادګۍ ملي اداره
