په فراه ولایت کې ناچاوده لاسي بمب کشف او خنثی کړل شو
              د فراه ولایت له پېښو سره د مبارزې آمادګۍ ریاست د همغږۍ له مخې، د DRC موسسې د ماین پاکۍ تخنیکي ټیم د یاد ولایت د خاکسفید ولسوالۍ په دیوار سرخ کلي کې د ماین د عملیاتو په ترڅ یو ۴۰ میلي متري لاسي بمب کشف او خنثی کړ.
له پېښو سره د مبارزې آمادګۍ ریاست مسؤلینو د سیمې له اوسېدونکو وغوښتل، چې د هر ډول ناچاوده توکو د لیدو په صورت کې له اړونده مسؤلینو سره اړیکه ونیسي تر څو د خنثی کولو لپاره یې اړین ګامونه واخیستل شي. نوموړي دا هڅې د خلکو د ځان او مال د خوندیتوب او د احتمالي پېښو د مخنیوي لپاره مهم ګام وباله. 
نېټه: ۱۴۴۷/۵/۱۳ هـ ق
له پېښو سره د مبارزې آمادګۍ ملي اداره
