د روسیې فدراتیف د بشري مرستو د ۲۳ ټنو جوپه کابل ته راورسېده
کابل- د چنګاښ ۲۹مه-۱۴۰۱
د روسیې فدراتیف جمهوریت نن سهار د بشري مرستو په دوام، ۲۳ ټنه خوراکي او غیر خوراکي توکي او درمل د کابل نړیوال هوایي ډګر له لارې افغانستان سره مرسته وکړه.
د دغو مرستو د تسلیمي اخیستو په پروګرام کې محترم غلام غوث ناصري، پېښو ته د رسېدو په چارو کې د دولت وزارت د مالي او اداري عمومي رییس او سرپرست د روسیې فدراتیف بشري مرستو څخه په قدرانۍ وویل: په دې شرایطو کې دغه مرستې د افغانستان لپاره حیاتي دي او د بشري مرستو د دوام غوښتونکی شو.
ښاغلي ناصري زیاته کړه: موږ به دغه مرستې په ټول افغانستان کې په شفافه توګه د پېښو له امله زیانمن شویو ته ووېشو.
ورپسې انتون لاوروف په کابل کې مېشت د روسیې سفیر مرستیال وویل: نن ۲۳ ټنه خوراکي او غیر خوراکي توکي او درمل زیانمن شویو ته د رسېدنې په پار د ا.ا.ا ته تسلیم شول، او د پېښو وزارت سرپرست ته یې په نږدې راتلونکي کې د بشري مرستو کولو ژمنه ورکړه.
د یادونې وړ ده چې په دې مرستو کې وریجې، کمپلې، انټي سیپټیک او خیمې شاملې وې، چې د طبیعي پېښو څخه زیانمن شویو لپاره په پام کې نیول شوي دي.
