د پېښو د مدیریت په برخه کې د ملګرو ملتونو او همکارو موسسو سره د احتمالي پېښو ته د رسېدو لپاره د همغږي غونډه ترسه شوه
کابل- د تلې ۱۱مه-۱۴۰۱
دغه غونډه د الحاج مولوي شمس الدین حقیار د دغه وزارت نړیوالو اړیکو د رییس په مشرۍ، د الحاج ملاجانان سایق د بېړنیو حالاتو د عملیاتو د مرکز رییس، د الحاج مولوي عبدالرحمن آخندزاده د دفتر رییس، الحاج مولوي عبدالخالق عابد د دعوت او ارشاد رییس، شفیع الله رحیمی د اطلاعاتو او عامه اړیکو رییس او ملګرو ملتونو دفترونو او نورو موسسو او انجوګانو د استازو په ګډون چې د پېښو مدیریت په برخه کې فعالیت کوي د مرستو د ښه مدیریت، د هېواد په کچه د طبیعي پېښو د خطرونو د کمولو پروګرامونو د پلي کېدو او په افغانستان کې د ملګرو ملتونو د بنسټونو سره همغږي د بیا پیلولو لپاره ترسره شوه.
الحاج مولوي شمس الدین حقیار د نړیوالو اړیکو رییس ووېل: ورستیو پېښو لکه زلزلې او سیلابونو درانه اقتصادي، ځاني او مالي زیانونو اړولي دي. نو ځکه د اړتیاوو وړاندوینه بنسټیز لومړیتوب دی. نوموړي همدارنګه د دغه وزارت او د همکارو موسسو ترمنځ د پېښو مدیریت په برخه کې پر همغږۍ ټینګار وکړ.
د اجنډا پر بنسټ هاشمپور د IOM دفتر استازی او محمد رافع بدخش د موسسو د فعالیتونو د همغږي مدیر، د کاري ګروپ د جوړولو، د موسسو د فعالیتونو او کړنو د راپور شریکولو څرنګوالي او د همغږۍ د غونډو بیا پیلولو په هکله پریزینټیشن وړاندې کړ.
وروسته د ملګرو ملتونو او ملي او نړیوالو موسسو استازو د خپلو یو کلني فعالیتونو په اړه په خبرې وکړې او د دغه وزارت سره پر دوامداره همکاري او همغږي باندې یې ژمنه او تینګار وکړ.
په پاۍ کې پریکړه وشوه ترڅو یو ګډ کاري ګروپ او د وزارت د مشرتابه او موسسو ترمنځ په نږدې راتلونکي کې د همغږي او فعالیتونو باندې ټینګار وشو.
