ملي او نړیوالو موسسو د پېښو د خطرونو کمولو او زیانمن شویو ته د رسېدنې په برخه کې خپله ژمنتیا وښودله
کابل- د تلې ۱۹مه-۱۴۰۱
د موسسو (NGOs) کاري ګروپ غونډه نن سه شنبه د ملي او نړیوالو موسسو د استازو په شتون کې د الحاج ملا محمد عباس آخند پېښو ته د رسېدو په چارو کې د دولت وزیر په مشرۍ د دغه وزارت د کنفرانسونو په تالار کې ترسره شوه.
الحاج ملام محمد عباس آخند پېښو ته د رسېدو په چارو کې د دولت وزیر، د دغې غونډې په پرانیستلو کې ووېل چې د موسسې او انجوګانې باید د پېښو د خطرونو پېژندنې/ د پېښو پر خطرونو باندې د حاکمیت پیاوړتیا، د پېښو د خطرونو مدیریت لپاره/ د خطرونو د کمولو لپاره سمدلاسه پانګونه، د اړتیاوو پوره کولو لپاره/ پېښې ته په ښه توګه ځواب وینې لپاره د چمتووالي زیاتوالی او له مخکی څخه په ښه توګه د ویجاړیو د بیا رغونې په برخه کې د دغه وزارت سره په همغږي او همکاري کار وکړي.
نوموړي زیاته کړه چې موسسو او انجوګانو په روان کال او تېرو کلونو کې د پېښو سره د مبارزې لپاره د چمتووالي او د پېښو له امله زیانمن شویو خلکو ته د رسېدنې په برخه کې په پراخه کچه رول لوبلوی دی خو موږ باید د ښو اړیکو د ټینګولو لپاره د راپور ورکولو یو ښه سیسټم جوړ کړو.
ورته مهال شمس الدین حقیار، د دغه وزارت د نړیوالو اړیکو رییس پر همکاري او همغږي باندې په خبرو سره ووېل: د دغه کاري ګروپ جوړولو موخه په هیواد کې د شته ظرفیتونو او فعالیتونو همغږي کول او د دغه وزارت او موسسو ترمنځ د اړیکو پیاوړتیا ده.
وروسته انجنیر عزت الله صدیقی د REHA د دفتر استازی په تېرو کلونو کې د پېښو د خطرونو په کچه او د هغوۍ څخه رامنځته شوي د ځاني او مالي زیانونو په اړه په خبرو سره ووېل: د پېښو د مدیریت د دې ګروپ موخې کموالی، رسېدنه او د احتمالي پېښو څخه د سیمو خوندي ساتل دي.
ښاغلي صدیقی زیاته کړه چې د پېښو مدیریت یوه بشردوستانه برخه ده چې ډیری فعالیتونه یې د زیانمنې شوي ټولني لپاره وي او د نړیوالو کنوانسینونو او د سنډای چوکاټ ته په کتو د طبیعي پېښو د خطرونو کمولو او د اقلیمي بدلون لپاره د غږ پورته کولو غوښتنه وکړه.
پر دې سربېره د IOM او AKAH د دفترونو استازو د خپلو فعالیتونو په اړه خبرې وکړې او د پېښو د مدیریت په برخه کې یې د همغږي او همکاري ژمنه وکړه.
په دې غونډه کې پریکړه وشوه چې د پېښو د خطرونو کمولو، د هیواد په کچه د پېښو له امله زیانمن شویو ته بشري مرستو او د دغه وزارت او موسسو ترمنځ د اطلاعاتو او سرچینو د شریکولو لپاره په میاشت کې یوځل د همغږي غونډه ترسره شي چې مشرۍ یې د پېښو وزارت او مرستیالۍ یې د AKAH او REHA دفترونه پر غاړه لري.
