په کابل ولایت کې ۳۰ زیانمنو کورنیو خوراکي، غیرخوراکي او نغدي مرستې ترلاسه کړې
کابل- د غویي ۸مه-۱۴۰۳
د کابل ولایت پېښو سره د مبارزې ریاست د IOM, DRC او WFP موسسو سره په همکاري او همغږي، د یاد ولایت د مرکز ښار بېلابېلو ناحیو اړوند ۳۰ کورنیو ته چې د وروستیو بارانونو له امله یې کورونه په نیمه او بشپړډول ویجاړ شوي و، له سروې وروسته د محترم الحاج محمد سلیم حقاني، د دې ولایت پېښو سره د مبارزې رییس او د یادو موسسو استازو په حضور کې خوراکي، غیرخوراکي او نغدي مرستې ووېشلې.
د مرستو د وېش په دې لړۍ کې هرې کورنۍ ته ۳ تختې کمپلې، ۱۶ قلمه د پخلنځي توکي، ۲ سولري څراغونه، ۱ بکس، د ۲ میاشتو لپاره ۲۳۰ کیلو خوراکي توکي او ۹۳۰۰ افغانۍ ووېشل شوې.
د یادونې وړ ده چې ښاغلي حقاني د مرستو د وېش پر مهال له یادو موسسو څخه په مننې سره په خپلو خبرو کې ووېل: چې په دې شرایطو کې اړتیا ده ترڅو نورې مرستندویه موسسې او خیریه بنسټونه هم د طبیعي پېښو له امله د زیانمنو هیوادوالو لاسنیوۍ وکړي او اسلامي امارت هم د خپلو هیوادوالو ترڅنګ ولاړ ده او په راتلونکې کې به هم د هغوۍ هر ډول ستونزو ته د حل لاره ومومي او له دوۍ څخه به هیڅ ډول مرستې و نه سپموي.
