د ننګرهار ولایت له پېښو سره د مبارزې آمادګۍ ریاست د ١,٩١١,٠٠٠ افغانیو نغدي پیسو مرستې ٦٥٠ بېوزله کورنیو ته ووېشلې
له پېښو سره د مبارزې آمادګۍ ملي ادارې او د Arada موسسې ترمنځ د لاسلیک شوي هوکړه لیک له مخې، د ننګرهار ولایت له پېښو سره د مبارزې آمادګۍ ریاست د یادې موسسې په مالي ملاتړ، د دې ولایت د ګوشته ولسوالۍ اړوند ٦٥٠ بېوزله کورنیو ته له سروې وروسته نغدي مرستې ووېشلې.
په دې لړۍ کې، هرې کورنۍ ته د درېم پړاو ٢,٩٤٠ افغانۍ د خوراکي توکو د برابرولو په موخه د مسؤلینو په شتون کې ووېشل شوې، چې ټولټال ١,٩١١,٠٠٠ ( ١ ملیون او ٩١١ زره ) افغانۍ د یاد شمېر کورنیو لپاره ځانګړې شوې وې.
د یادونې ده، چې یادې مرستې د وچکالۍ له امله، له زیانمنو شوو کورنیو سره ترسره شوې.
نېټه: ۱۴۴۶/٨/٢٠
له پېښو سره د مبارزې آمادګۍ ملي اداره
