د کندز ولایت له پېښو سره د مبارزې آمادګۍریاست ۳۹۵ زیانمنو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د OHW موسسې ترمنځ د لاسلیک شوي هوکړه لیک له مخې, د کندز ولایت له پېښو سره د مبارزې آمادګۍریاست د یادې موسسې په مالي ملاتړ, د یاد ولایت په چهاردره ولسوالۍ کې د وچکالۍ له امله ۳۹۵ زیانمنو کورنیو ته نغدي مرستې ووېشلې.
د یادونې وړ ده چې په دې لړۍ کې د مسؤلینو په شتون کې هرې کورنۍته د درېیم قسط 2,951 افغانۍ ووېشل شوې, چې ټولټال 1,165,645 (1 میلیون, ۱۶۵ زره او ۶۴۵) افغانۍ د یاد شمېر کورنیو لپاره په پام کې نیول شوي وې.
نیټه: ۱۴۴۶/۹/۰۱
له پېښو سره د مبارزې آمادګۍ ملي اداره
