د سرپل ولایت له پېښو سره د مبارزې آمادګۍ ریاست ۵,۶۴۴,۵۰۰ افغانۍ ۵۰۵ کورنیو ته ووېشلې
له پېښو سره د مبارزې آمادګۍ ملي ادارې او د اکټیډ موسسې ترمنځ د لاسلیک شوي هوکړه لیک له مخې، د سرپل ولایت له پېښو سره د مبارزې آمادګۍ ریاست د یادې موسسې په مالي ملاتړ، د یاد ولایت په بېلابېلو سیمو کې راستنېدونکو، زیانمنو، معلولینو او د طبیعي پېښو له امله د شهیدانو کورنیو ته له سروې وروسته نغدي مرستې ووېشلې.
د مرستو دا لړۍ چې د یاد ریاست او د موسسې د استازو په شتون کې ترسره شوه، له یادې جملې ۱۲۵ کورنیو هرې یوې ته ۱۲,۷۸۰ افغانۍ او ۳۸۰ نورو کورنیو هرې یوې ته ۱۰,۶۵۰ افغانۍ ووېشل شوې، چې ټولټال ۵,۶۴۴,۵۰۰ (۵ میلیونه، ۶۴۴ زره او ۵۰۰) افغانۍ نغدي پیسې د یاد شمېر کورنیو لپاره ځانګړې شوي وې.
نېټه:۱۴۴۶/۱۰/۱۸ هــ ق
له پېښو سره د مبارزې آمادګۍ ملي اداره
