د لغمان ولایت ته له مرکزي سیلو څخه ٢,٠٠٠ بورۍ غنم انتقال شول
نن ورځ چهارشنبه، د عالیقدر امیرالمؤمنین حفظه الله د لارښونې له مخې، د هېواد ټولو ولایتونو ته له مرکزي سیلو څخه د غنمو د لېږد بهیر پیل شو. په همدې چوکاټ کې به د (۲۰۰۰ بوریو) په اندازه ١٠٠ ټنه غنم له مرکزي سیلو څخه لغمان ولایت ته د پېښو له امله احتمالي زیانمنو شویو ته د وېش په موخه ولېږدول شول.
د یادولو وړ ده، چې یاده اندازه غنم د لغمان ولایت له پېښو سره د مبارزې آمادګۍ ریاست په ګدام کې ذخیره شي او د اړتیا په صورت کې به مستحقو او زیانمنو شویو کورنیو ته ووېشل شي.
نېټه: ١٤٤٦/١٠/١٨ هــ ق
له پېښو سره د مبارزې آمادګۍ ملي اداره
