د پکتیکا ولایت له پېښو سره د مبارزې آمادګۍ ریاست ٢٨٢ زیانمنو شویو کورنیو ته نغدي مرستې ووېشلې
د پکتیکا ولایت له پېښو سره د مبارزې آمادګۍ ریاست د افغانستان لپاره د ناروې کمېټې مؤسسې په ملاتړ، د دې ولایت په برمل ولسوالۍ کې ٢٨٢ زیانمنو کورنیو ته، له سروې وروسته د کورونو د ترمیم او جوړولو په موخه نغدي مرستې ووېشلې.
په دې لړۍ د مسؤلینو په شتون کې، ٦٨ کورنیو هرې یوې ته ٧٧،٦٨٠ افغانۍ د کورونو د جوړولو لپاره او ٢١٤ کورنيو هرې یوې ته ٦٢،٨١٠ افغانۍ د کورونو د ترمیم په موخه ووېشل شوې چې ټولټال د یاد شمېر کورنیو لپاره اته لس میلیونه، اوه سوه درویشت زره او پنځه سوه او اتیا (١٨،٧٢٣،٥٨٠) افغانۍ ځانګړې شوې وې.
نېټه: ۱۴۴۷/٢/۰۵ ق
له پېښو سره د مبارزې آمادګۍ ملي اداره
