له پېښو سره د مبارزې آمادګۍ ملي ادارې ۱۵۰ باب خیمې د کونړ ولایت زلزلهځپلو ته د وېش لپاره ډیوهګل درې ته ولېږدولې
د OTED مؤسسې سره له پېښو سره د مبارزې آمادګۍ ملي ادارې د لوی رئیس, محترم الحاج ملا نورالدین ترابي د همغږۍ له مخې، نن ورځ پنجشنبه د یادې مؤسسې له امکاناتو څخه ۱۵۰ باب خیمې د کونړ ولایت د څوکۍ ولسوالۍ دیوهګل درې ته د وروستۍ زلزلې له امله زیانمنو سره د مرستې لپاره ولېږدول شوې.
یادې خیمې د مؤسسې له استازو څخه له پېښو سره د مبارزې آمادګۍ ملي ادارې د پېړنیو پېښو آمر مولوي عبدالهادي همت تسلیم واخیستل شوې او دیوهګل درې ته انتقال شوې تر څو د زلزلهځپلو لپاره د لنډمهاله سرپناه په توګه وکارول شي.
د یادونې وړ ده, چې د دې ادارې مرکزي او ولایتي کارکوونکي د یاد ولایت په بېلابېلو زلزلهځپلو سیمو کې په بېلابېلو برخو کې د خدماتو په وړاندې کولو بوخت دي.
نېټه: ۱۴۴۷/۰۳/۱۲ هـ ق
له پېښو سره د مبارزې آمادګۍ ملي اداره
