په مزار شریف ښار کې د اور لګېدنې د مخنیوي کمېټې یو ګډ پلاوي د تېلو له ټانکونو څخه څارنه وکړه
د بلخ ولایت له پېښو سره د مبارزې آمادګۍ ریاست، له پېښو سره د مبارزې آمادګۍ ملي ادارې د محترم مقام د لارښوونې او د بلخ ولایت د محترم مقام د حکم پر بنسټ، د ښاروالۍ، اطفایې، مستوفیت، د کور او ښار جوړونې، استخباراتو، سوداګریزو خونو، د سوداګرۍ او کانونو، د تېلو او ګازو او د دې ریاست له استازو څخه جوړ شوي ګډ پلاوي په مزار شریف ښار کې د ممتاز تېلو ټانک، د داودزي تېلو ټانک ایل نمبر ۲، د بریالی بری د تېلو او تاسیساتو ټانک، باختر وطن پټرولیم او د داودزي پټرولیم د تېلو ټانک څخه د اورلګېدنې د مخنیوي له وقایوي وسایلو څخه د سروې اوڅارنې په موخه لیدنه وکړه.
د سروې د ټیم د موندنو له مخې، د تېلو دا پمپ سټېشنونه په لومړنیو وسایلو سمبال وو، خو د باختر وطن پټرولیم چې د مزار شریف ښار د ځمکني ټرانسپورټ د عمومي ټرمینل ته څېرمه په یو حساس ځاس کې موقعیت لري او د اورلګېدنې د مخنیوي لپاره هېڅ ډول وقایوي وسایل نلري او د یاد پمپ سټېشن د تېلو زېرمې ته نږدې یو رستورانت هم فعالیت کوي، چې د سروې د ټیم له لوري د دې نیمګړتیاوو او د خطر رفع کولو په موخه د یادو پمپ سټېشنونو مسؤلینو ته لازمې لارښوونې وشوې او د دواړو خواوو په موافقې سره د ستونزو د له منځه وړلو په موخه ځانګړی وخت وټاکل شو.
د دې تاسیساتو مسؤلینو هم ژمنه وکړه، چې تر ټاکل شوي وخت پورې به موجوده نیمګړتیاوې سمې کړي ترڅو په راتلونکې څارنه کې د معیارونو له بشپړ پلي کېدو څخه ډاډ تر لاسه شي.
نېټه: ۱۴۴۷/۰۴/۰۹ هـ ق
له پېښو سره د مبارزې آمادګۍ ملي اداره
