خبرداری!
د اعتبار موده: د ۱۴۰۴ لمریز کال د تلې ١٣ مه نېټه (یکشنبه)
د هېواد د هوا پېژندنې ریاست او د نړیوالو معتبرو سازمانونو د وړاندوینو له مخې، په کابل, کاپیسا, پنجشیر, پروان, بامیان, میدان وردګ, لوګر, پکتیا, پکتیکا, خوست, بغلان, تخار, بدخشان, لغمان, ننګرهار, کونړ او نورستان ولایتونو کې د بارانونو، تالنده بریښنا او سېلابونو د راتلو احتمال شتون لري.
په یادو ولایتونو کې د باران اندازه له ١٠ نه تر ٣٥ مليمتره پورې اټکل شوې ده.
له همدې امله، د یادو ولایتونو له اوسېدونکو څخه غوښتنه کېږي چې د سیندونو غاړو ته دې له نږدې کېدو څخه ډډه وکړي او له پېښو سره د مبارزې ولایتي کمېټو لخوا د وړاندې شویو لارښوونو سره سم اړین تدابیر ونیسي او عمل دې پرې وکړي.
نېټه: ۱۴۴۷/۴/١١ هـ ق
له پېښو سره د مبارزې آمادګۍ ملي اداره
