د کابل ولایت په خاک جبار ولسوالۍ کې د استنادي دېوال د جوړولو چارې پیل شوې
له پېښو سره د مبارزې آمادګۍ ملي ادارې د لوی رییس الحاج ملانورالدین ترابي د لارښوونې له مخې، د کابل ولایت له پېښو سره د مبارزې آمادګۍ ریاست د یاد ولایت د خاک جبار ولسوالۍ په برملک کلي کې د یو استنادي ديوال د جوړولو چارې د دې ولایت له پېښو سره د مبارزې آمادګۍ ریاست د محترم رئیس، د یادې ولسوالۍ د ولسوال د مرستیال، علماوو، مخورو شپین ږیرو او نورو اړوندو مسؤلینو په شتون کې پیل کړې.
د یاد دیوال چارې د ۹۸ متره اوږدوالي په درلودلو سره د سېلابونو له زیانونو څخه د سیمه ییزو اوسېدونکې د ځاني او مالي خونديتوب په موخه د نه سوه دوه ویشت زره او شپږ سوه او نوي (۹۲۲،۶۹۰) افغانیو په لګښت د یو ساختماني شرکت لخوا پیل شوې.
د یادونې وړ ده، چې په پای کې سیمه ییزو اوسېدونکو د یادې پروژې په پلي کېدلو سره خوښي څرګنده کړه او د دې نظام د ثبات او بقا لپاره یې د خیر دعا وکړه.
نېټه: ۱۴۴۷/۴/۱۵ هـ ق
له پېښو سره د مبارزې آمادګۍ ملي اداره
