په هلمند ولایت کې ناچاوده توکي خنثی کړل شول 

د هلمند ولایت له پېښو سره د مبارزې آمادګۍ ریاست د آریانا ماین پاکۍ مؤسسې په ملاتړ، د دې ولایت په نادعلي ولسوالۍ کې، په بریالیتوب سره چاودېدونکي توکي کشف او خنثی کړل. 
د یادې مؤسسې MAP–Hotline2319  تخنیکي ټیم، د نادعلي ولسوالۍ په خوشهال کلي کې درې فیره د هاوان ۶۰ ملي مترۍ مرمۍ کشف او په یو خوندي ځای کې خنثی کړې. 
د یادونې وړ ده، چې یاد ټیم له دې وړاندې هم یوه اندازه د پام وړ ناچاوده توکي کشف او په خوندي توګه له منځه وړي دي. 
د هلمند ولایت له پېښو سره د مبارزې آمادګۍ ریاست له سیمه ییزو اوسېدونکو غوښتي، چې د هرډول مشکوکو او چاودېدونکو توکو د لیدو پرمهال دې ژر تر ژره یاد ریاست ته خبر ورکوي ترڅو یې د خنثی کولو لپاره اړین اقدامات ترسره شي. 

نېټه: ۱۴۴۷/۰۴/۲۲ هـ ق
له پېښو سره مبارزې آمادګۍ ملي اداره