د لغمان ولایت له پېښو سره د مبارزې آمادګۍ ریاست ۱۰ کورنیو ته خوراکي او غير خوراکي مرستې ووېشلې
د لغمان ولایت له پېښو سره د مبارزې آمادګۍ ریاست د دې ولایت په بېلابېلو ولسوالیو کې ۱۰ زیانمنو شویو کورنیو ته له سروې وروسته د خوراکي او غیر خوراکی توکو مرستې ووېشلې.
په دې لړۍ کې هرې کورنۍ ته د مسؤلینو په شتون کې، ۵۰ کیلو اوړه، یو د خوراکي توکو کيټ، ۶ کیلو خرما، ۴ کارتنه بیسکویټ او ۱ تخته ترپال ووېشل شو.
د یادونې وړ ده، چې د مرستو ترلاسه کوونکو کورنیو د مرستو د تر لاسه کولو په پار خوښي څرکنده کړه او د لغمان ولایت له پېښو سره د مبارزې آمادګۍ ریاست له مسؤلینو څخه یې زیانمنو شویو کورنیو ته د ژر رسېدنې په موخه مننه وکړه.
نېټه: ۱۴۴۷/۷/۲۳ هـ ق
له پېښو سره د مبارزې آمادګۍ ملي اداره
