د بادغیس ولایت له پېښو سره د مبارزې آمادګۍ ریاست ۲۹۲ زیانمنو کورنیو ته نغدې او خوراکي مرستې ووېشلې
له پېښو سره د مبارزې آمادګۍ ملي ادارې او د افغانستان ښځو ټولنیزې او خدماتي موسسې (WASSA) تر منځ د لاسلیک شوي هوکړه لیک له مخې، د بادغیس ولایت له پېښو سره د مبارزې آمادګۍ ریاست د یادې موسسې په مالي همکارۍ، د دې ولایت په قلعه نو ښار کې د وچکالي له امله ۲۹۲ زیانمنو کورنیو ته له سروې وروسته نغدې او خوراکي مرستې ووېشلې.
په دې لړۍ کې هرې کورنۍ ته د مسؤلینو په شتون کې ۲۹۰۰ افغانۍ نغدې پیسې، ۳۰ عدده قهوه او ۳ کیلو د حلوا اوړه ووېشل شول، چې ټولټال ۸۴۶,۸۰۰ (اته سوه شپږ څلوېښت زره او اته سوه) افغانۍ نغدې پیسې د یاد شمېر کورنیو لپاره ځانګړې شوې وې.
نېټه: ۱۴۴۷/۵/۸ هـ ق
له پېښو سره د مبارزې آمادګۍ ملي اداره
