له پېښو سره د مبارزې آمادګۍ ملي ادارې لوی رئیس د نورستان له مرستیال والي سره وکتل
نن ورځ سې شنبه له پېښو سره د مبارزې آمادګۍ ملي ادارې لوی رئیس الحاج ملا نورالدین ترابي د نورستان ولایت له مرستیال والي الحاج مولوي فیصل مختار او د نورستان ولایت له پېښو سره د مبارزې آمادګۍ ریاست له رئیس مولوي سیف الله خالد سره وکتل.
د نورستان مرستېال والي الحاج مولوي فیصل مختار صاحب د نورستان ولایت د اوسېدونکو په استازیتوب له پېښو سره د مبارزې آمادګۍ ملي ادارې له مشرتابه څخه مننه وکړه او ویې ویل چې نورستان یو غرنی ولایت دی چې د سیلابونو، واورې ښوېدنو او ځمکښویېدو له خطرونو سره مخ دی؛ نو اړتیا ده چې د ژغورنې وسایل، تخنیکي روزنې او د خلکو پوهاوی لا زیات سي.
ورسته د یادې ادارې لوی رئیس ډاډ ورکړ چې اداره یې د ټولو ولایتونو په ځانګړي ډول د زیانمنونکو سیمو د خوندیتوب لپاره عملي پروګرامونه لري، او د نورستان د اړتیاوو پوره کولو ته به جدي پاملرنه کېږي.
همدا راز ترابي صاحب زیاته کړه چي موږ تل هڅه کوو چي زیانمنو کورنیو ته ژر تر ژره مرستي ورسوو او د خلګو د خوندیتوب لپاره وقایوي پروژې پلي کړو.
نیټه: ۱۴۴۷/۵/۱۳ هــ ق
له پېښو سره د مبارزې آمادګۍ ملي اداره
