د سمنګان ولایت په مرکز ایبک ښار کې د وروستۍ زلزلې له امله ۲۰۷ زیانمنو کورنیو ته نغدې او غیرنغدې مرستې ووېشل شوې
د سمنګان ولایت له پېښو سره د مبارزې آمادګۍ ریاست د کډوالۍ نړیوال سازمان (IOM) په ملاتړ، د یاد ولایت په مرکز ایبک ښار کې د وروستۍ زلزلې له امله ۲۰۷ زیانمنو کورنیو ته چې سروې یې مخکې ترسره شوې وه، نغدې او غیرنغدې مرستې ووېشل ووېشلې.
په دې لړۍ کې د مسؤلینو په شتون کې، هرې کورنۍ ته ۸,۵۰۰ افغانۍ نغدې مرستې او ۲۷ کورنیو ته د نغدو مرستو ترڅنګ د لنډمهالې سرپناه لپاره یوه باب خیمه هم ووېشل شوه، چې نغدې مرستې ټولټال ۱,۷۵۹,۵۰۰(یو میلیون او اووه سوه نه پنځوس زره او پنځه سوه) افغانۍ د یاد شمېر کورنیو لپاره ځانګړې شوې وې.
د سمنګان ولایت له پېښو سره د مبارزې آمادګۍ ریاست مسؤلینو د طبیعي پېښو له امله زیانمنو ته د مرستې رسونې په برخه کې د همکارو موسسو او جمشید رامین شرکت له هڅو او همکاریو څخه مننه او قدرداني وکړه او زیانمنو ته د مرستو لپاره یې د دې ډول همکاریو پر دوام ټینګار وکړ.
نېټه:۱۴۴۷/۵/۲۲ هـ ق
پېښو سره د مبارزې آمادګۍ ملي اداره
