د بامیان ولایت له پېښو سره د مبارزې آمادګۍ ریاست ۸۰۰ مستحقو کورنیو ته نغدې مرستې ووېشلې
له پېښو سره د مبارزې آمادګۍ ملي ادارې او په آسیا کې د نړۍ ټولنیزو خدمتونو (CWSA) موسسې ترمنځ د لاسلیک شوي هوکړه لیک له مخې، د بامیان ولایت له پېښو سره د مبارزې آمادګۍ ریاست د یادې موسسې په مالي ملاتړ، په یکاولنګ نمبر ۱ ولسوالۍ کې ۸۰۰ مستحقو کورنیو ته له سروې وروسته د لومړي پړاو نغدې مرستې ووېشلې.
په دې لړۍ کې هرې کورنۍ ته د مسؤلینو په شتون کې، د لومړي پړاو ۲,۶۵۰ افغانۍ ووېشل شوې، چې ټولټال دوه میلیونه او یو سل او شل زره (۲,۱۲۰,۰۰۰) افغانۍ نغدې پیسې د یاد شمېر کورنیو لپاره ځانګړې شوي وې.
د یادونې وړ ده، چې په راتلونکې یوه میاشت کې به هم یادو کورنیو ته نغدې مرستې ووېشل شي.
نېټه:۱۴۴۷/۷/۰۲ هـ ق
له پېښو سره د مبارزې آمادګۍ ملي اداره
