د بغلان ولایت له پېښو سره د مبارزې آمادګۍ ریاست ۶۵۰ مستحقو کورنیو ته خوراکي مرستې ووېشلې
له پېښو سره د مبارزې آمادګۍ ملي ادارې او د ASIO موسسې ترمنځ د لاسلیک شوي هوکړه لیک له مخې، چې د پروژې تمویل کوونکی یې د خوړو نړیوال پروګرام (WFP) دی، د بغلان ولایت له پېښو سره د مبارزې آمادګۍ ریاست د یادې موسسې په همکارۍ، د دې ولایت د دهنه غوري ولسوالۍ ۶۵۰ مستحقو کورنیو ته له سروې وروسته خوراکي مرستې ووېشلې.
په دې بهیر کې هرې کورنۍ ته د مسؤلینو په شتون کې ۲ بورۍ ۲۵ کیلویي اوړه، ۶.۲۵ کیلو دالنخود، ۵ لیټره غوړي، نیم کیلو مالګه او هرې ماشوم لرونکې کورنۍ ته پلمپي هم ووېشل شول.
نېټه:۱۴۴۷/۹/۰۵ هـ ق
له پېښو سره د مبارزې آمادګۍ ملي اداره
