د فراه ولایت له پېښو سره د مبارزې آمادګۍ ریاست څو وقایوي پروژې بشپړې او ګټې اخیستنې ته وسپارلې
د فراه ولایت له پېښو سره د مبارزې آمادګۍ ریاست د سېلابونو د کنټرول او مخنیوي په موخه د کډوالو په ښارګوټي او د ښار په اوومه ناحیه کې څو وقایوي پروژې بشپړې کړې او ګټې اخیستنې ته یې وسپارلې.
دا پروژې د یاد ریاست د وړاندیز او له پېښو سره د مبارزې آمادګۍ ملي ادارې د منظورۍ پر بنسټ، د ولایتي بیارغونې کمېټې د ماشینرۍ په همکارۍ او د درې سوه زره (۳۰۰,۰۰۰) افغانیو په بودجه پلي شوې دي.
د دې پروژو په چوکاټ کې د ۳۲۰ مترو په اوږدوالي کانال او خاورين بند چې ۲.۵ متره پلنوالی او ۳ متره ژوروالی لري؛ ۸۰ متره ساده خاورين بند چې ۱.۵ متره لوړوالی لري؛ د کډوالو په ښارګوټي کې د ۱۲۰ مترو کانال پاکول، او همدارنګه د فراه ښار په اوومه ناحیه کې د ۱۵۳ مترو په اوږدوالي کانال چې ۳ تر ۴ مترو پلنوالی او ۱ تر ۲ مترو ژوروالی لري، بشپړ او عملي شوي دي.
د مسؤلینو په وینا د دغو پروژو د پلي کېدو موخه د موسمي سیلابونو له امله د رامنځته کېدونکو خطرونو کمول او د یادو سیمو د اوسېدونکو ساتنه ده.
نېټه:۱۴۴۷/۹/۰۹ هـ ق
له پېښو سره د مبارزې آمادګۍ ملي اداره
