د میدان وردګ ولایت له پېښو سره د مبارزې آمادګۍ ریاست د وروستیو بارانونو له امله یوې زیانمنې شوې کورنۍ ته بیړنۍ غیر خوراکي مرستې ووېشلې
د میدان وردګ ولایت له پېښو سره د مبارزې آمادګۍ ریاست د دې ولایت د سیدآباد ولسوالۍ په ګیدړ خیل کلی د وروستیو سختو بارانونو ورېدو له امله یوې زیانمنې شوې کورنۍ ته چې کور یې په بشپړه توګه ویجاړ شوی وو له سروې وروسته بیړنۍ د غیر خوراکي توکو مرستې ووېشلې.
په دې لړۍ کې یادې کورنۍ ته د مسؤلینو په شتون کې، ۱ باب خېمه، ۲ بورۍ غنم، ۱ عدد د یونیسف روغتیایي کیټ، ۷ کیلو بوره، ۲ عدده ګروپونه او ۱ عدد صندق ووېشل شو.
د یادونې وړ ده، چې د یاد ولایت له پېښو سره د مبارزې آمادګۍ ریاست مسؤولین هڅه کوي، چې د ولایت په کچه د هغو کورنیو سره بیړنۍ مرستې تر سره کړي، چې کورنۍ یی د باران او سیلابونو له امله له جدي ګواښ سره مخ وي.
نېټه: ۱۴۴۷/۱۰/۲۱ هـ ق
له پېښو سره د مبارزې آمادګۍ ملي اداره
