د پکتیا ولایت له پېښو سره د مبارزې آمادګۍ ریاست ۱۹۸ بېځایه شویو کورنیو ته نغدي او خوراکي مرستې ووېشلې
د پکتیا ولایت له پېښو سره د مبارزې آمادګۍ ریاست، د خوړو نړیوال پروګرام (WFP) په مالي ملاتړ او د AWCPO موسسې په همکارۍ، د دې ولایت په ډنډ پټان او څمکنۍ ولسوالیو کې د وروستیو جګړو له امله ۱۹۸ بېځایه شویو کورنيو ته نغدي او خوراکي مرستې ووېشلې.
په دې بهیر کې د مسؤلینو په شتون کې هرې کورنۍ ته، ۵,۸۰۰ افغانۍ نغدي پیسې او ۴.۲ کیلو بسکېټ ووېشل شول، چې ټولټال یو میلیون او یو لک او اته څلوېښت زره او څلور سوه افغانۍ (۱,۱۴۸,۴۰۰) نغدي پیسې د یادو کورنیو لپاره ځانګړې شوې وې.
نېټه: ۸ /۱۱ /۱۴۴۷ هـ ق
له پېښو سره د مبارزې آمادګۍ اداره
