د کابل ولایت له پېښو سره د مبارزې آمادګۍ ریاست ۶۲ زیانمنو کورنیو ته خوراکي او غیرخوراکي مرستې ووېشلې
د کابل ولایت له پېښو سره د مبارزې آمادګۍ ریاست، په ده سبز ولسوالۍ کې د وروستیو ورښتونو له امله ۶۲ زیانمنو کورنیو ته تر سروې وروسته خوراکي او غیرخوراکي مرستې ووېشلې.
په دې بهیر کې د مسؤلینو په شتون کې، هرې کورنۍ ته یو باب خیمه، یوه بورۍ ۵۰ کیلویي غنم، ۱۲.۵ کیلو وریجې، ۲ کیلو بوره، یو کیلو چای، ۱۷ قلمه توکي لرونکې یوه روغتیایي بسته، ۳ صندوقونه، ۳ څراغونه او د اوبو د تصفیې ټابلیټ ووېشل شول.
په پای کې د مرستو ترلاسه کوونکو د کابل ولایت له پېښو سره د مبارزې آمادګۍ ریاست څخه قدرداني وکړه او د مسؤلینو لپاره یې دعا وکړه.
نېټه:۱۴۴۷/۱۱/۲۹ هـ ق
له پېښو سره د مبارزې آمادګۍ اداره
