پېښو ته د رسېدو په چارو کې د دولت وزارت مشرتابه ناستې ترسره کېدل
لیندۍ – ۱۸مه ـ ۱۳۹۹
دغه ناسته د ښاغلي غلام بهاوالدین جیلاني پېښو ته د رسېدو په چارو کې د دولت وزیر په مشرۍ، د ښاغلی مطیع الله صافۍ د دی وزارت مالي او اداري مرستیال، ښاغلی محمد قاسم حیدري د پېښو د چارو همغږۍ مرستیال، رییسانو، مشاورینو او آمرینو په شتون د پېښو سره مبارزې دولتي عالي کمېسیون د لارښوونو د پلي کېدو او د ژمی احتمالي پېښو ته د رسېدو په پار د سرچینو د تأمین په اړه ترسره شوه.
لومړۍ، د داخلي تفتیش آمر/ ویاند، د دفتر ریاست سرپرست او ستر تخنیکي سلاکار د پېښو سره مبارزې دولتي عالي کمېسیون لارښوونو په اړه معلومات وړاندې کړل.
د ناستې په آخر کې ښاغلي غلام بهاوالدین جیلاني پېښو ته د رسېدو په چارو کې د دولت وزیر، د راتلونکې ژمی پېښو ته د رسېدو په پار د سرچینو پر تأمین، په ولایتونو کې د بېړنۍ بودجې مشخصې کړنلارې جوړول او د پېښو سره مبارزې دولتي عالي کمېسیون لارښوونو پر تعقیب ټینګار وکړ او مسوولینو ته یې لازمې لارښوونې وسپارلې.
