پېښو ته د رسېدو په چارو کې د دولت وزارت مشرتابه غونډه ترسره شوه
کابل – مرغومی 4مه 1399
دا غونډه د ښاغلي غلام بهاوالدین جیلاني پېښو ته د رسېدو په چارو کې د دولت وزیر په مشرۍ د ښاغلي مطیع الله صافۍ مالي او اداري مرستیال، ښاغلي محمد قاسم حیدري د پېښو چارو همغږي مرستیال، رییسانو، آمرینو او مشاورینو په شتون ترسره شوه.
لومړی ښاغلي غلام بهاوالدین جیلاني پېښو ته د رسېدو په چارو کې د دولت وزیر د افغانستان اسلامي جمهوریت د کابینې لخوا د ژمي د پېښو ته د رسېدو او مدیریت عملیاتي ملي پلان د تأییدو ته په اشارې سره، د مسوولینو ترمینځ د همکارۍ روحیه پیاوړې کولو په اړه خبرې وکړې او د یاد پلان د پلي کولو لپاره د کړنو د لومړیتوب، مهالوېش او کره پلان جوړولو باندې ټینګار کړ.
پېښو ته د رسېدو په چارو کې د دولت وزیر کندهار ولایت ته د خپل وروستي سفر په اړه معلومات وړاندې کړل او اړوندو څانګو ته یي د دغه ولایت بیځایه شوو او زیانمنو ته د مرستو وېش او د راپور شریکولو لارښوونه وکړه.
پدې غونډه کې مالي او اداري مرستیال، مالي او اداري رییس او د تدارکاتو آمر دایکندي او تخار ولایتونو ته د غنمو د لېږد تدارکاتي پروسې په اړه معلومات وړاندې کړل.
په آخیره کې پېښو ته د رسېدو په چارو کې د دولت وزیر د دې غونډې د پایلې په برخه کې د بیځایه شوو ته د ځواب وینې د تعقیبولو، کندهار ولایت ته د غنمو او وریجو د لېږد او دایکندي او تخار ولایتونو ته د غنمو د لېږد تدارکاتي پروسې پر پلټنې ټینګار وکړ او پدې برخه کې یې مسوولینو ته لازمې سپارښتنې وکړې.
