پېښو ته د رسېدو په چارو کې د دولت وزارت د مشرتابه غونډه ترسره شوه
کابل – 20 قوس 1400 / 6 جمادیالاول 1443
دا غونډه چې نن له غرمې مخکې، د ښاغلي غلام غوث ناصري پېښو ته د رسېدو په چارو کې د دولت وزارت مرستیال او سرپرست په مشرۍ د نصیر احمد امین د یاد وزارت د مالي او اداري عمومي رییس، رییسانو، مشاورینو او آمرینو په ګډون ترسره شوه.
لومړۍ ښاغلي ناصري د پېښو په برخه کې د مرکزي او ولایتي کارکونکو د نه ستړې کیدونکي زیار او تلاشونو څخه د مننې ترڅنګ د مرسته کونکو هیوادونو سره پر لاډیرو کړنو او همغږیو ټینګار وکړ.
په دوام کې د مالي او اداري عمومي رییس، د پېښو ته د رسېدو په چارو کې د دولت وزارت د سرپرست د باور کولو څخه مننه وکړه او د ټاکل شویو موخو ترلاسه کولو لپاره د هر ډول زیار باسلو ژمنه وکړه او د هراړخیزې همکاري او همغږۍ هوډ یې وښود.
په پای کې د بېلابیلو څانګو رییسانو او آمرینو په خپل وار په خپلو څانګو کې د کړنو او شته ننګونو راپور وړاندې کړ.
