د کابل پېښو پر وړاندې چمتووالي ریاست د ودانۍ د بیارغونې کار بیا پیلېدل
کابل- د چنګاښ۶مه-۱۴۰۱
پېښو ته د رسېدو په چارو کې د دولت وزارت، د کابل پېښو پر وړاندې چمتووالي ریاست د ودانۍ د بیارغونې د کار له سره پیل کړ.
د دغه پروژې د پرانیستلو په پروګرام کې، صدام حسین پېښو ته د رسېدو وزارت د تدارکاتو آمر وویل: د کابل پېښو سره د مبارزې ریاست اداري ودانۍ غیر معیاري وه او د کارکونکو د خوندي ساتلو او د رسمي چارو پرمخ وړلو په پار د دې ریاست د ودانۍ بیا رغونې کار بیا پیل شو ترڅو د کارکونکو لپاره مناسب کاري چاپېړیال رامېنځته شي.
ورته مهال قاري محمد خوشحال زماني: د کابل ولایت پېښو سره د مبارزې رییس د پروژې د پرانیستلو په پروګرام کې وویل چې د دغه ریاست د ودانۍ بیارغونې قرارداد د تېر حکومت په وخت کې د یو میلیون او ۴۰۰ زره افغانیو په مصرف ترسره شوۍ و، چې د دې وزارت د مشرتابه د زیار او هڅو پر بنسټ، د پیمان شرکت بیا دې ته حاضر شو چې د دې پروژې کار بیا پیل کړي او تر یوې میاشتې به یې کار بشپړ شي.
