د ننګرهار ولایت له پېښو سره د مبارزې آمادګۍ ریاست له ۲۳۵ زیانمنو او بېوزلو کورنیو سره خوراکي مرستې وکړې
د ننګرهار ولایت له پېښو سره د مبارزې آمادګۍ ریاست د افغان ماشومانو لپاره د جرمني مرستې موسسې په مالي ملاتړ، په یاد ولایت کې ۲۳۵ زیانمنو او بېوزلو کورنیو ته خوراکي مرستې ووېشلې.
د مرستو د وېش پرمهال د یاد ریاست رئیس او د موسسې استازي هم شتون درلود او هرې کورنۍ ته ۵۰ کیلو اوړه، ۱۰ لیټره غوړي، ۵ کیلو بوره، نیم کیلو چای، ۵ کیلو لوبیا او ۷ کیلو وریجې ووېشل شوې.
ورته مهال له مرستو برخمنو له یاد ریاست او موسسې څخه مننه او خوښي څرګنده کړه او د لا زیاتو مرستو غوښتنه یې وکړه.
نېټه: ۱۴۴۶/۵/۲۸
له پېښو سره د مبارزې آمادګۍ ملي اداره
