د کونړ ولایت له پېښو سره د مبارزې آمادګۍ ریاست ۸۱ کورنیو ته نغدي او غیرنغدي مرستې ووېشلې
له پېښو سره د مبارزې آمادګۍ ملي ادارې او د ډنمارک د کډوالو نړیوالې شورا (DRC) ترمنځ د لاسلیک شوي هوکړه لیک له مخې, د کونړ ولایت له پېښو سره د مبارزې آمادګۍ ریاست د یادې شورا په مالي ملاتړ, د یاد ولایت په چپه دره ولسوالۍ کې د تېرو سېلابونو له امله ۸۱ زیانمنو, بېوزله او اړمنو کورنیو ته نغدي او غیرنغدي مرستې ووېشلې.
په دې لړۍ کې, هرې کورنۍ ته د ژمنۍ اړتیاوو پوره کولو او د سون توکو پېرلو په موخه ۱۹,۷۸۰ افغانۍ او ۵ تختې کمپلې ووېشل شوې, چې ټولټال ۱,۶۰۲,۱۸۰ (۱ میلیون, ۶۰۲ زره او ۱۸۰) افغانۍ د یاد شمېر کورنیو لپاره ځانګړې شوې وې.
له مرستو برخه منو د کونړ ولایت له پېښو سره د مبارزې آمادګۍ ریاست او د ډنمارک د کډوالو نړیوالې شورا (DRC) څخه د مرستو په پار مننه او خوښي څرګنده کړه او د دی ډول مرستو د دوام غوښتنه یې وکړه.
نیټه: ۱۴۴۶/۷/۲۱
له پېښو سره د مبارزې آمادګۍملي اداره
