د کندز ولایت په عليآباد ولسوالۍ کې د ګبیوني تحکیماتو د پروژې کار پیل شو
د عالیقدر امیرالمومنین حفظه الله د فرمان پر بنسټ، چې د هر ولایت لپاره یوه پروژه د یو میلیون افغانیو په ارزښت د هستوګنیزو کورونو، کرنیزو ځمکو او عامه بنسټونو د زیانمنتیا د مخنیوي او د وقایوي پروژو د پلي کېدو په موخه منظوره شوې ده، د کندز ولایت له پېښو سره د مبارزې آمادګۍ ریاست د عليآباد ولسوالۍ په محمدروزي بای میر شیخ کلي کې د ګبیوني تحکیماتو پروژه پیل کړه.
دا پروژه به ټولټال د نه سوه نه څلوېښت زره او دوه سوه پنځوس (۹۴۹,۲۵۰) افغانیو په ارزښت، د ۳۷۵ مکعب متره په حجم سره د دوو میاشتو په موده کې بشپړه شي. چې د پروژې په پلي کېدو سره به زرګونه جریبه کرنیزه ځمکه، کورونه او عامه بنسټونه د سیلاب له خطر څخه خوندي پاتې شي.
د دې پروژې د پرانیستلو په مراسمو کې د کندز ولایت له پېښو سره د مبارزې آمادګۍ رئیس، محترم شفیق الله جواد او نورو سیمه ییزو مسؤلینو شتون درلود.
نېټه: ۱۴۴۷/۰۳/۱۰ هـ ق
له پېښو سره د مبارزې آمادګۍ ملي اداره
