د بادغیس ولایت له پېښو سره د مبارزې آمادګۍ ریاست په دره بوم ولسوالۍ کې د یوې سېلابي لارې د پاکولو چارې بشړې کړې
د بادغیس ولایت له پېښو سره د مبارزې آمادګۍ ریاست د سېلابونو د خطرونو د کمولو او د احتمالي زیانونو د مخنیوي په موخه، د دغه ولایت د درهبوم ولسوالۍ په پنجاب سیمه کې د یوې سېلابي لارې د پاکولو چارې په معیاري توګه پای ته ورسولې.
یاده سېلابي لاره د ۴۰۰ مترو په اوږدوالي، ۲.۵ مترو په پلنوالي او ۲ مترو په ژوروالي پاک شوې ده، چې د دې پروژې ټول لګښت درې سوه زره (۳۰۰،۰۰۰) افغانۍ ته رسېږي.
دا پروژه له پېښو سره د مبارزې آمادګۍ ملي ادارې په مالي ملاتړ پلي شوې ده، چې په پایله کې یې د شاوخوا ۷۰ استوګنیزو کورونو، نیږدې ۲۵۰۰ جریبه کرنیزې ځمکې، او همدارنګه د سیمې د سړک او کلینیک د تخریب او زیانمنېدو مخه نیول شوې ده.
نېټه: ۱۴۴۷/۸/۲۴ هـ ق
له پېښو سره د مبارزې آمادګۍ ملي اداره
