د میدان وردګ ولایت په جلریز ولسوالۍ کې د ١٠٠ متره تړل شوی سړک پرانیستل شو
له پېښو سره د مبارزې آمادګۍ ملي ادارې د مقام په لارښوونه، د میدان وردګ ولایت له پېښو سره د مبارزې آمادګۍ ریاست له لوري د دې ولایت د جلریز ولسوالۍ په سنګلاخ حوزې راقول سیمه کې د غر ښویېدنې له امله ۱۰۰ متره تړل شوی سړک د نقليه وسايطو پر مخ بېرته پرانیستل شو.
د دې سړک د بیرته پرانیستلو لپاره له پېښو سره د مبارزې آمادګۍ ریاست یو عراده جې کمر ماشینري په کرایه نیولې وه او د ټولګټو چارو ریاست ماشینري لپاره تېل خریداري کړي وو، چې د ځایي اوسېدونکو او نقلیه وسایطو لپاره د تګ راتګ ستونزې ور سره حل شوې.
د میدان وردګ ولایت له پېښو سره د مبارزې آمادګۍ رئیس، مولوي احمد شاه ذهین ټینګار وکړ، چې د یاد ولایت د خلکو ستونزو ته د رسېدنې لپاره پر وخت اقدام کوو تر څو د هغوی ستونزې ژر تره حل شي.
نېټه:۱۴۴۷/۱۰/۲۴ هـ ق
له پېښو سره د مبارزې آمادګۍ ملي اداره
