په کندهار ولایت کې د لومړني خبرداري سیستمونه ګټې اخیستنې ته وسپارل شول
د کندهار ولایت له پېښو سره د مبارزې آمادګۍ ریاست د KRO مؤسسې په ملاتړ، د سپین بولدک او ښکته شاهوليکوټ ولسوالیو کې د سېلابونو د لومړني خبرداري درې سیستمونه نصب او ګټې اخیستنې ته وسپارل.
دغه سیسټمونه د اوبو کچه او چټکتیا اندازه کوي او د خطر په صورت کې د خبرتیا زنګ په فعالېدو سره خلکو ته خبر ورکوي. او د دغو سیستمونو د ښه کارونې لپاره، ۵ تنه رضاکارانو ته ښوونه او روزنه هم ورکړل شوې ده.
د دې پروژې موخه د سیمې د اوسېدونکو د خوندیتوب کچې لوړول او د سېلابونو د خطرونو کمول ده.
نېټه: ۱۴۴۷/۱۱/۰۲ هـ ق
له پېښو سره د مبارزې آمادګۍ ملي اداره
