د جوزجان ولایت له پېښو سره د مبارزې آمادګۍ ریاست ۱,۳۰۲ مستحقو کورنیو ته نغدي مرستې ووېشلې
له پېښو سره د مبارزې آمادګۍ ادارې او د کلیوالو سیمو د پراختیا او هوساینې لپاره د اقدام مؤسسې (AWDERO) ترمنځ د لاسلیک شوې هوکړهلیک له مخې، د جوزجان ولایت له پېښو سره د مبارزې آمادګۍ ریاست د یادې مؤسسې په مالي ملاتړ، د خانقاه ولسوالۍ او شبرغان ښار ۱۳۰۲ مستحقو کورنیو ته له سروې وروسته نغدي مرستې ووېشلې.
په دې لړۍ کې، د مسؤلینو په شتون کې هرې کورنۍ ته ۲,۹۰۰ افغانۍ ووېشل شوې، چې په ټولیز ډول درې میلیونه او اووه لکه او پنځه اویا زره او اته سوه (۳,۷۷۵,۸۰۰) افغانۍ د یاد شمېر کورنیو لپاره ځانګړې شوې وې.
د یادونې وړ ده چې د مرستو په پای کې له مرستو برخمنو شوو کورنیو د جوزجان ولایت له پېښو سره د مبارزې آمادګۍ ریاست او همکارې مؤسسې څخه مننه وکړه او د ورته مرستو د دوام غوښتنه یې وکړه.
نېټه: ۱۴۴۷/۱۲/۲۲ هـ ق
له پېښو سره د مبارزې آمادګۍ اداره
