په ۳۵۸ سیلاب ځپلو کورنیو مرستې ووېشل شوې
وږي – ۱۲ مه – چهارشنبه
دغه مرستې د ولایت مرستیالې رابعې ستانکزۍ، د ولایتي شورا غړي قریب الله سادات، د دفتر رئیس عبد الحمید ظهیر،د طبیعي پښېو پروړاندې د مبارزې رئیس مطیع الله احمدزي ، د کار او ټولنیزو چارو رئیس شاه محمد ولیزوی، د کلیو بیارغاونې او پراختیا رئیس انجنیر اصغر ځاځي او یو شمېر نورو مسوولینو په شتون کې په سیلاب ځپلو کورنیو ووېشل شوې.
د طبیعي پېښو پر وړاندې د مبارزې رئیس مطیع الله احمدزي د یادو مرستو پر تړاو معلومات وړاندې کړل او وویل؛ د مرکز اړوند د بېلابېلو سیمو د ۱۱۶ سېلاب ځپلو کورنیو سره نقدي مرسته د دوی لخوا وویشل شوه ،چې هرې کورنۍ ته ۱۵۰۰ زره افغانۍ ورکړل شوې.
ددغو مرستو په لړ کې د ( iom) موسسې لخوا هم ۲۴۲ سېلاب ځپلو کورنیو ته مرستې وویشل شوې، چې پکې خیمه، سولر او یو شمېر نور اړین غیر خوراکي توکي شامل دي.
