د بامیان ولایت له پېښو سره د مبارزې آمادګۍ ریاست له ۱۰۷۷ زیانمنو کورنیو سره نغدي مرستې وکړې
د بامیان ولایت له پېښو سره د مبارزې آمادګۍ ریاست د CRS مؤسسې په مالي ملاتړ او د یادې مؤسسې او له پېښو سره د مبارزې آمادګۍ ملي ادارې ترمنځ د هوکړه لیک پر بنسټ، د بامیان په مرکز او یکاولنګ ولسوالۍ کې ۱۰۷۷ مستحقو کورنیو ته نغدي مرستې ووېشلې.
دغه مرستې د افغان ټولنو د انعطاف د پیاوړتیا لپاره، د طبیعي سرچینو د ښه مدیریت او د اوبو د حوضو د بیا رغونې د پروژې په چوکاټ کې ورکړل شوې دي، چې هرې کورنۍ ته د غړو د شمېر له مخې مرسته ورکړل شوه. د کورنۍ هر غړي ته ۱,۲۴۲ افغانۍ (معادل ۱۷.۶۳ ډالر) ورکړل شوې.
په ټوله کې، ۸ میلیونه او ۶۱۶ زره او ۵۱۹ افغانۍ ۶۸۹۳ کسانو ته ووېشل شوې، او هرې کورنۍ د خپلو غړو د شمېر په تناسب بېلابېل مقدار مرسته ترلاسه کړه.
نیټه: ۱۴۴۶/۵/۲۹
له پېښو سره د مبارزې آمادګۍ ملي اداره
