د تخار ولایت له پېښو سره د مبارزې آمادګۍ ریاست ۵۰۰ کډوالو کورنیو ته خوراکي او غیرخوراکي مرستې ووېشلې
د تخار ولایت له پېښو سره د مبارزې آمادګۍ ریاست, ۵۰۰ کورنیو ته چې په اجباري توګه له پاکستان او ایران څخه را اېستل شوې وې, د یاد ولایت په بېلا بېلو ولسوالیو کې له سروې وروسته خوراکي او غیرخوراکي مرستې ووېشلې.
په دې لړۍ کې هرې کورنۍ ته د مسؤلینو په شتون کې ۱۰۰ کیلو اوړه, ۵۰ کیلو وریجې, همداراز له یادې جملې ۳ کورنيو ته چې سرپناه یې نه درلوده, هرې کورنۍ ته یو باب خیمه هم ووېشل شوه.
د مرستو د وېش پر مهال د تخار ولایت له پېښو سره د مبارزې آمادګۍ رئیس, ملا احمد سیر ساجد, کډوالو ته د ښه راغلاست ترڅنګ د اسلامي امارت له مشرانو او راستنېدونکو ته د هرکلي څخه قدرداني وکړه.
نېټه: ۱۴۴۶/۱۲/۰۵ هـ ق
له پېښو سره د مبارزې آمادګۍ ملي اداره
